فـــضـ(ـاوة)ــفـضــــة

بما أني أخذت على نفسي عهد تكون هذي آخر مدونة أفتحها (من كثر مافتحت مدونات وهجرتها)، جيت أستعيد عهدي بالمدونة. توقعت أكون ناسية الباسوورد لكن الحمدلله ذاكرتي على مايرام > ماشاء الله علي ّ.

ما أدري شو اللي خلاني أرجع للمدونة (يمكن لأني من زمان ماكتبت وحسيت إني فقدت أبجديات الكتابة في زحمة الحياة، يمكن لأني متضايقة من نفسي ، يمكن لأني ما أدوام بمكتبي وأحس إني مو قادرة اشتغل بمكتب غيري >> مشكلة اللي ما يتأقلمون بسرعة ..!

المهم حاسة إني أبي أكتب وبس ..! فضاوة ثرثرة اللي هو …!

مقتطفات من حياتي:

 

دبي: مثل السمكة أنا فيها إذا طلعت منها أموت..!

بيتنا: أكثر مكان أحب أقعد فيه باختصار أنا “هوم هوليك”

قلبي: نقطة ضعفي ..!

أورنامين سي: خياري المفضل بين المشروبات (بس أحيانا أفضل عليه اللبن) >> مادري شو سر حبنا له في الامارات >> ماشفت حد يشرب أورنامين سي كثرنا..!

 أكوابي: الشيء الوحيد الي يكشف حالتي النفسية >> عندي كوبين واحد يوم أكون مبسوطة اشرب منه والثاني يوم متضايقة …

أنا: أعجز عن تفسيري ..

اهلي: أحبهم أكثر شي في العالم والكون والمجرة … !

إجازة الصيف: أكثر شي صرت أفتقده بعد الوظيفة .!

الشعر: الأمير بدر بن عبد المحسن .. !

وبس ..